Փառեն Ա Աշտիշատցի

Փառեն Ա Աշտիշատցի
Парен А Аштишатский
Անգլերեն:	Paren A
Հայերեն:	Փառեն Ա Աշտիշատցի
Մահվան տարեթիվը:	352
Համառոտ տվյալներ: Հայոց կաթողիկոս 348 թվականից:

Կենսագրություն

• Ծնվել է Տուրուբերանի նահանգի Տարոն գավառի Աշտիշատ ավանում, ծննդյան թվականն անհայտ է:
• Մահացել է 352թ, ամփոփվել Տարոն գավառի Աշտիշատ ավանի Ս. Հովհաննեսի Մարգարեանոցի ագարակում:

Այլ

• Աղբիանոսյանների տոհմից է:
• Հայոց թագավոր Տիրանի օրոք Արշակունիների և Գրիգոր Ա Լուսավորչի հայրապետական տոհմի միջև հարաբերությունների սրումից և Հուսիկ Ա Պարթևի սպանությունից (347) հետո որոշ նախարարներ (Սահառունի, Արտավան Վանանդեցի, Կարեն Ամատունի, Վարազ Դիմաքսյան և ուր.) փորձել են կաթողիկոս ընտրել Գրիգոր Ա Լուսավորչի աշակերտ Դանիել ասորի քորեպիսկոպոսին: Սակայն կենտրոնացված իշխանության կողմնակիցները (Վասակ Մամիկոնյան, Մեհենդակ Ռշտունի, Անդովկ Սյունի, Արշավիր Կամսարական և ուր.) սպանել են Դանիելին և կաթողիկոս ընտրել Փառեն Ա Աշտիշատցուն: Հայոց արքունիքին հավատարիմ Փառեն Ա Աշտիշատցին համագործակցել է Արշակունիների հետ՝ կենտրոնացված ուժեղ թագավորության ստեղծման գործում:
• Հաջորդել է Հուսիկ Ա Պարթևին:
• Փառեն Ա Աշտիշատցուն հաջորդել է Ներսես Ա Մեծը (պարթև)

Մատենագիտություն

• [Փավստոս Բուզանդ, Հայոց պատմություն, Ե., 1987::]

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• ԵՊՀ Հայագիտական հետազոտությունների ինստիտուտ, Կրոնի հանրագիտարան
• [Քրիստոնյա Հայաստան» հանրագիտարան, գլխ. խմբ. Հովհ. Այվազյան, Հայկական հանրագիտարան հրատ., Երևան, 2002, էջ 1042:]