Մելքոնյան Անդրանիկ Խաչիկի

Մելքոնյան Անդրանիկ Խաչիկի
Мелконян Андраник Хачикович
Այլ անուններ:	Անդրեյ
Անգլերեն:	Melqonyan Andranik
Հայերեն:	Մելքոնյան Անդրանիկ Խաչիկի
Ծննդյան տարեթիվը:	15.04.1915
Ծննդավայրը:	Ինդյուկ, Ռուսաստան
Մահվան տարեթիվը:	15.12.2003
Համառոտ տվյալներ: Խորհրդային Միության հերոս:

Կենսագրություն

Ծնվել է 1915թ. ապրիլի 15-ին ՌԴ Կրասնոդարի երկրամասի Տուապսեի շրջանի Ինդյուկ գյուղում:

Մահացել է 2003թ. դեկտեմբերի 15-ին:

Ռազմական գործունեություն

• Զորակոչվել է Զինված ուժեր 1937թ. հոկտեմբերի 15-ին Գորյաչեկլյուչյան շրջանային զինկոմիսարյատի (Կրասնոդարի երկրամաս, ՌԴ) կողմից:
• Մասնակցել է Արևմտյան Ուկրաինայի և Արևմտյան Բելառուսի ազատագրմանը, խորհրդա-ֆիննական պատերազմին:
• Զորացրվել է 1940թ. սեպտեմբերին: Կրկին զորակոչվել է 1941թ. մայիսի 22-ին և մինչև 1942թ. մայիս ծառայել ՀԽՍՀ-ում:
• Հայրենական Մեծ Պատերազմին մասնակցել է 1942թ. մայիսից: Մասնակցել է Կովկասի, Ստալինգրադի, Դոնի Ռոստովի, Խարկովի, Կուրսկի, Դոնբասի, Դոնի և Դնեպրի շրջանների մարտերին:
• 1944թ. ապրիլի 16-17-ին Դնեստրի գետանցման ժամանակ Մելքոնյանի ջոկը 144 անգամ ռեզինե նավակով աջ ափ է փոխադրել 1.000 զինվոր, զինամթերքով 1.500 արկղ, ձախ ափ փոխադրել 100 վիրավորի հակառակորդի հրանոթային և գնդացրային անդադար կրակի տակ: Դնեպրի գետանցման մարտերում ցուցաբերած արիության և հերոսության համար սակրավորների ջոկի (11-րդ գվարդիայի առանձին Սակրավորների գումարտակ, 15-րդ գվարդիայի Հրաձգային դիվիզիա, 3-րդ Ուկրաինական ռազմաճակատ) հրամանատար գվարդիայի ավագ սերժանտ Ա. Խ. Մելքոնյանին ԽՍՀՄ Գերագույն Խորհրդի Նախարարի 1944թ. սեպտեմբերի 13-ի հրամանագրով շնորհվել է Խորհրդային Միության հերոսի կոչում:
• 1945թ. հունվարին 15-րդ դիվիզիայի պատվիրակության կազմում եղել է ՀԽՍՀ-ում: Ավագ Մելքոնյանը զորացրվել է 1945թ. սեպտեմբերին:

Ձեռքբերումներ

• Խորհրդային Միության հերոս (13.09.1944):
• Լենինի շքանշան:
• Կարմիր աստղի շքանշան:
• Փառքի 3-րդ աստիճանի շքանշան:
• Փառքի 2-րդ աստիճանի շքանշան:
• «Արիության համար» մեդալ:
• «Ոսկե աստղ» մեդալ:

Այլ

• Ապրել է Նովոմիխայլովսկի ավանում (Տուապսեի շրջան, Կրասնոդարի երկրամաս, ՌԴ):
• 2006թ. մայիսի 9-ին Նովոմիխայլովսկի ավանի Լենինի փողոցի 13 տան մոտ տեղադրվել է կիսանդրի:

Նկարներ

• Պատկերիկի ստեղծման սխալ. Նման նիշք չկա
• 
• Պատկերիկի ստեղծման սխալ. Նման նիշք չկա
• Պատկերիկի ստեղծման սխալ. Նման նիշք չկա

Տե՛ս նաև

• Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.2, Ճաղարյան-Ֆրիկ, 2007:
• Амирханян М. Д. Армяне - Герои Советского Союза. Ер., 2005. - 202 с.
• ԵՊՀ Հայագիտական հետազոտությունների ինստիտուտ. Մելքոնյան Անդրանիկ:
• ՄԵԼՔՈՆՅԱՆ ԱՆԴՐԱՆԻԿ (Անդրեյ) ԽԱՉԻԿԻ: