Հասան Ջալալ Դոլա

Հասան Ջալալ Դոլա
Гасан Джалал Дола
Պատկերիկի ստեղծման սխալ. Նման նիշք չկա
Անգլերեն:	Hasan Jalal Dola
Հայերեն:	Հասան Ջալալ Դոլա
Մահվան տարեթիվը:	1260
Մահվան վայրը:	Ղազվին, Իրան
Համառոտ տվյալներ: Հայոց Արևելից կողմանց իշխան, Արցախ-Խաչենի Հասան-Ջալալյանի իշխան, տոհմի հիմնադիրը:

Կենսագրություն

Մահացել է 1260թ. Իրանի Ղազվին քաղաքում:

Աշխատանքային գործունեություն

• 1214թ. դարձել է Արցախի ու հարակից շրջանների իշխանների գահերեցը (կոչվել է նաև «թագավոր», «ինքնակալ»):
• 1216-1238թթ. կառուցել է Գանձասարի վանքը:
• 1251թ. կառուցել է Վաճառի եկեղեցին:
• 1248թ. հիմնովին վերակառուցել է Կեչառիսի վանքը:
• 1240 ական թթ. նրա պատվերով ստեղծվել է հայկական առաջին համահավաք Հայսմավուրքը:

Այլ

• Սերել է Առանշահիկների տոհմից: Հայոց Արևելից Կողմանց գահերեց իշխանն էր, Խաչենի մեծ իշխան Վախթանգ Բ Տանգիկի և Սարգիս Զաքարյանի դուստր Խորիշահի որդին:
• Փորձել է դիմակայել մոնղոլ-թաթարներին, սակայն ուժերի անհավասարությունը հարկադրել է ընդունել նրանց գերիշխանությունը և իր երկրամասն ու Արևելյան Հայաստանը զերծ պահել զավթիչների վայրագություններից:
• Երկու անգամ Կարակորումում այցելել է մեծ խանին, Հայաստանի համար արտոնություններ ստացել:
• Նրա միջնորդությամբ բարեկամական հարաբերություններ են հաստատվել Կիլիկիայի հայ թագավորության ու մոնղոլների միջև:
• 1260թ. միացել է մողոլների դեմ Վրաստանում բռնկած ապստամբությանը, որի ճնշումից հետո սպանվել է Արղուն խանի կարգադրությամբ:
• Թաղված է Գանձասարում:

Նկարներ

• Պատկերիկի ստեղծման սխալ. Նման նիշք չկա

  Հասան-Ջալալ Դոլայի տապանաքարը Գանձասարի վանքում

• Պատկերիկի ստեղծման սխալ. Նման նիշք չկա

  Հասան-Ջալալյանների զինանշանը

Տե՛ս նաև

• Ով ով է.հայեր(կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ.,Հ.1,Աբալյան-Ղուշչյան,2005:
• Հասան Ջալալյաններ: