Թուղլաճյան Բարսեղ Միքայելի

Թուղլաճյան Բարսեղ Միքայելի
Туглачян Барсег Микаэлович
Այլ անուններ:	Թուղլաճը Բարս
Անգլերեն:	Tughlachyan Barsegh
Հայերեն:	Թուղլաճյան Բարսեղ Միքայելի
Ծննդյան տարեթիվը:	01.04.1933
Ծննդավայրը:	Կոստանդնուպոլիս, Թուրքիա
Համառոտ տվյալներ: Բանասեր, արվեստաբան, բառարանագիր, թարգմանիչ:

Կենսագրություն

Ծնվել է 1933թ. ապրիլի 1-ին Թուրքիայի Կոստանդնուպոլիս քաղաքում:

Կրթություն

• Նախնական կրթությունն ստացել է ծննդավայրի հայկական Նոր դպրոցում:
• 1951թ. ավարտել Է Կիպրոսի Մելգոնյան կրթական հաստատությունը:
• 1955թ. ավարտել է Միչիգանի համալսարանի լեզվաբանական ֆակուլտետը:

Աշխատանքային գործունեություն

• 1955թ.՝ Անկարայի զինվորական ակադեմիայում որպես անգլերենի և ֆրանսերենի դասախոս:
• Դասավանդել է Կոստանդնուպոլսի Հայոց կեդրոնական և ֆրանսիական ու թուրքական վարժարաններում:
• Կազմել է երկլեզվյան և եռալեզվյան ընդհանուր և մասնագիտական բառարաններ:

Այլ

• Թուրքական մամուլում և գրականության մեջ Թուղլաճյանը տպագրվել է Փարս Թուղլաչի գրական անունով:
• Իսթամբուլի հայ մամուլում («Ժամանակ», «Նոր լուր», «Արշավ» և այլն) տպագրել է վիպակներ, պատմվածքներ:
• Աշխատություններում քննել է Օսմանյան կայսրության և Թուրքիայի հայերի վերաբերյալ բազմաթիվ հարցեր:
• «Օսմանյան ճարտարապետության արևմտականացման ժամանակաշրջանն ու Պալյան ընտանիքը» ծավալուն աշխատության մեջ վեր է հանել ճարտարապետների մեծ ու հռչակված Պալյան գերդաստանի մի քանի սերնդի պատմությունը Օսմանյան կայսրության ճարտարապետական արվեստի զարգացման պատմության մեջ:
• Հայերեն է թարգմանել Գի դը Մոպասանի, Վ. Շեքսպիրի, Պ. Մերիմեի ստեղծագործություններից:
• 1970-1980-ական թթ. Թուղլաճյանն իր բանասիրական հետաքրքրությունների համար քանիցս այցելել է Երևան:

Հրապարակումներ մամուլում

• ԳԻՏՈՒԹՅԱՆ, ՄՇԱԿՈՒՅԹԻ ԵՎ ԱՐՎԵՍՏՆԵՐԻ ՄԻՋԱԶԳԱՅԻՆ ՀԱՄԱԳՈՒՄԱՐԻՆ ԹՈՒՐՔԻԱՆ ՆԵՐԿԱՅԱՑՆՈՒՄ Է ԲԱՐՍԵՂ ԹՈՒՂԼԱՃՅԱՆԸ:
• 1933թ. այս օրը ծնվեց բանասեր, բառարանագիր Բարսեղ ...

Մատենագիտություն

• Թուղլաճյան Բ.Մ., Օսմանեան ճարտարապետութեան արեւմտականացման ժամանակաշրջանն ու Պալեան ընտանիքը, 1982:
• Թուղլաճյան Բ.Մ., Այվազովսկին Թուրքիայում, 1983:
• Թուղլաճյան Բ.Մ., Բուլղարիան եւ թուրք-բուլղարական յարաբերութիւնները, 1983:
• Թուղլաճյան Բ.Մ., Արփաչայը եւ շրջակայքը, 1985:
• Թուղլաճյան Բ.Մ., Օսմանեան նուագախմբից արդի թուրքական փողերախումբ, 1987:
• Թուղլաճյան Բ.Մ., Ժամանակակից Թուրքիան, 1987:
• Թուղլաճյան Բ.Մ., Պոլսի Իշխանաց կղզիները պատմութեան ընթացքում, 1989:
• Թուղլաճյան Բ.Մ., Իսթանպուլի հայոց եկեղեցիները, Ստամբուլ, 1991 (տեքստը՝ նաև թուրքերեն և անգլերեն):

Բառարաններ

• Թուղլաճյան Բ.Մ., Անգլերեն-թուրքերեն ոճերի և ասույթների բառարան, 1961:
• Թուղլաճյան Բ.Մ., Անգլերեն-լատիներեն-թուրքերեն բժշկական բառարան:
• Թուղլաճյան Բ.Մ., Անգլերեն-ֆրանսերեն-թուրքերեն իրավաբանական և տնտեսական բառարանը, 1965, պարունակում է 80.000 բառ:
• Թուղլաճյան Բ.Մ., «Օվկիանոս» ("Okyanus") հանրագիտարան բացատրաստուգաբանական եռահատոր բառարան, 1971-1974:

Տե՛ս նաև

• Ով ով է.հայեր (կենսագրական հանրագիտարան:Երկու հատորով),ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ,Երևան,Հայկական հանրագիտարան հրատ., Հ.1, Աբալյան-Ղուշչյան, 2005:
• ԵՊՀ Հայագիտական հետազոտությունների ինստիտուտ. Թուղլաճյան Բարսեղ:
• ԵՐԱԽՏԱՇԱՏ ԲԱՆԱՍԵՐ ԲԱՐՍԵՂ ԹՈՒՂԼԱՃՅԱՆԸ: