Լազարյան Զոյա Մանվելի
| Լազարյան Զոյա Մանվելի | |
| Лазарян Зоя Манвеловна | |
| Պատկերիկի ստեղծման սխալ. Նման նիշք չկա
| |
| Անգլերեն: | Lazaryan Zoya |
| Հայերեն: | Լազարյան Զոյա Մանվելի |
| Ծննդյան տարեթիվը: | 23.08.1956 |
| Ծննդավայրը: | գ. Չլդրան, Արցախ |
| Համառոտ տվյալներ: Բժիշկ: | |
Բովանդակություն
Կենսագրություն
Ծնվել է 1956թ. օգոստոսի 23-ին Արցախի Մարտակերտի շրջանի Չլդրան գյուղում:
Կրթություն
- 1973թ. ոսկե մեդալով ավարտել է Չլդրանի միջնակարգ դպրոցը:
- 1980թ. ավարտել է Երևանի բժշկական ինստիտուտը:
Աշխատանքային գործունեություն
- 1981թ. աշխատանքի է անցել Ստեփանակերտի քաղաքային պոլիկլինիկայում՝ տեղամասային թերապևտ:
- 1985թ.՝ գլխավոր բժշկի տեղակալ, գլխավոր բժիշկ:
- 1995-1997թթ.՝ ԼՂՀ առողջապահության նախարարի տեղակալ:
- 1997թ. նշանակվել է ԼՂՀ առողջապահության նախարար:
- 1998-1999թթ.՝ Ստեփանակերտի քաղաքային պոլիկլինիկայի բժիշկ:
- 1999-2007թթ.` ԼՂՀ առողջապահության նախարար:
- 2007թ. նոյեմբեր` նշանակվել է ԼՂՀ ԱՆ «Արմինե Փակումյանի անվան պոլիկլինիկա» ՓԲԸ գործադիր տնօրեն:
- 2008թ. հունվարի 13-ին Ազգային ժողովի լրացուցիչ ընտրություններում թիվ 15 ընտրատարածքից ընտրվել է ԼՂՀ 4-րդ գումարման Ազգային ժողովի պատգամավոր։ Եղել է ԱԺ սոցիալական ոլորտի հարցերի մշտական հանձնաժողովի նախագահի տեղակալ։
- 2010թ. մայիսի 23-ի խորհրդարանական ընտրություններում թիվ 10 ընտրատարածքից ընտրվել է ԼՂՀ հինգերորդ գումարման Ազգային ժողովի պատգամավոր:
- 2010թ. հունիսի 10-ին Ազգային Ժողովի առաջին նստաշրջանի նիստում ընտրվել է սոցիալական ոլորտի հարցերի (2012 թվականից՝ սոցիալական և առողջապահության հարցերի) մշտական հանձնաժողովի նախագահ: Եղել է Ազգային Ժողովի «Ժողովրդավարություն» խմբակցության անդամ:
- 2012թ. սեպտեմբեր-2014թ. մարտ՝ ԼՂՀ առողջապահության նախարար:
- 2014թ. մարտ` նշանակվել է ԼՂՀ առողջապահության նախարարի առաջին տեղակալ:
- 2016թ. ապրիլից՝ ԼՂՀ նախագահի խորհրդական-ԼՂՀ Ազգային ժողովում ԼՂՀ նախագահի մշտական ներկայացուցիչ:
Ձեռքբերումներ
- Պարգևատրվել է «Վաչագան Բարեպաշտ» մեդալով (ԼՂՀ նախագահի թիվ 56-Ա հրամանագիր 30.08.2011թ.):
- Պարգևատրվել է «Մխիթար Գոշ» մեդալով (ԼՂՀ նախագահի թիվ 191-Ա հրամանագիր 25.08.2016թ.):
Այլ
- Ղարաբաղյան պատերազմի տարիներին մասնակցել է վիրավոր ազատամարտիկների և խաղաղ բնակիչների բուժսպասարկման, զինադադարից հետո` առողջապահության համակարգի վերականգնման աշխատանքներին:
Տեսանյութեր
Հրապարակումներ մամուլում
Տե՛ս նաև
- Ղարաբաղյան ազատագրական պատերազմ. 1988-1994: 1 հատորով/ (Հայկ. Հանրագիտարան. հրատ. գիտախմբ. հանձնաժողով` Հ.Մ. Այվազյան (գլխավոր խմբագիր-տնօրեն) և ուրիշներ/ Եր.: Հայկ. հանրագիտարան. հրատարակչություն, 2004 – 864 էջ: Նկ., քարտեզ:
- Արցախի (Լեռնային Ղարաբաղի) Հանրապետության ԱԶԳԱՅԻՆ ԺՈՂՈՎ: