Աթայան Ռաֆայել Արշակի
| Աթայան Ռաֆայել Արշակի | |
| Атаян Рафаэл Аршакович | |
| |
| Անգլերեն: | Atayan Rafayel |
| Հայերեն: | Աթայան Ռաֆայել Արշակի |
| Ծննդյան տարեթիվը: | 30.10.1907 |
| Ծննդավայրը: | Նոր Ջուղա, Իրան |
| Մահվան տարեթիվը: | 04.12.1990 |
| Մահվան վայրը: | Երևան, Հայաստանի Հանրապետություն |
| Համառոտ տվյալներ: Գրող, գրականագետ, մանկավարժ: | |
Բովանդակություն
Կենսագրություն
Ծնվել է 1907թ. հոկտեմբերի 30-ին Իրանի Նոր Ջուղա թաղամասում:
Կրթություն
- Միջնակարգ կրթությունն ստացել է Նոր Ջուղայի հայկական դպրոցում և անգլիական քոլեջում։
- 1927թ. ավարտել է Երևանի համալսարանը։
Աշխատանքային գործունեություն
- 1923-1925թթ. որպես անգլերենի թարգմանիչ աշխատել է Արմենտայում (հետո` Արմենպրես):
- 1925-1928թթ.` «Ավանգարդ» թերթի պատասխանատու քարտուղար:
- 1928-1934թթ.` «Խորհրդային Հայաստան» օրաթերթում բաժնի վարիչ, ապա՝ պատասխանատու քարտուղար:
- 1934-1935թթ.` Պետհրատում որպես գեղարվեստական գրականության բաժնի վարիչ և գլխավոր խմբագիր։
- 1944-1983թթ. աշխատել է Երևանի մանկավարժական գիտությունների ԳՀԻ-ում՝ որպես ավագ գիտաշխատող:
- 1948-1957թթ. դասախոսել է Երևանի ռուսաց և օտար լեզուների մանկավարժական ինստիտուտում՝ վարելով հայ և ռուս գրականությունների ամբիոնը։
Ձեռքբերումներ
- Բանասիրական գիտությունների թեկնածու:
- Նրա «Մայա» վիպակն արժանացել է Հայպետհրատի 1949թ. հրատարակած մանկապատանեկան գրականության մրցանակաբաշխության երկրորդ մրցանակի։
- 1972թ.՝ Խաչատուր Աբովյանի անվան մեդալ՝ դպրոցին և մանկավարժական գիտությանը մատուցած ծառայությունների համար
- 1985թ.՝ Հայրենական պատերազմի 2-րդ աստիճանի շքանշան:
Այլ
- Արշակ Աթայանի որդին, Ռոբերտ Աթայանի և Արմեն Աթայանի եղբայրը, Էդուարդ ԱթայաՆի հայրը:
- 1923թ. ընտանիքով տեղափոխվել է Հայաստան։
- 1943-1944թթ. ծառայել է խորհրդային բանակում, մասնակցել Հայրենական մեծ պատերազմին։
- 1948թ. «Կրասնոդոնի երիտգվարդիականները Ա. Ֆադեևի պատկերումով» թեմայով դիսերտացիա է պաշտպանել և ստացել բանասիրական գիտությունների թեկնածուի աստիճան։
- Կատարել է թարգմանություններ ռուսերենից:
- Անհիմն բռնադատվել է, հետագայում արդարացվել:
Մատենագիտություն
- Աթայան Ռ.Ա., Մայա, վիպակ, 1952:
- Աթայան Ռ.Ա., Ապարտակ, եռերգություն` «Զարթոնք», «Ապարտակ», «Մրրիկի թևով», 1976:
- Աթայան Ռ.Ա., Մատաղ լորենին, վիպակների ժողովածուն, 1987:
- Աթայան Ռ.Ա., Ակնարկներ հայկական դպրոցներում ռուս գրականության դասավանդման, 1949:
- Աթայան Ռ.Ա., Գեղեցիկ խոսքը մայրենի լեզվի ուսուցման գործում, 1983:
- Աթայան Ռ.Ա., Գտնենք կորցրածը, վիպակ եռերգություն, Մոսկվա, 1985:
Թարգմանություններ (ռուսերեն)
- Կ.Դ. Ուշինսկի, Ուսումնա-դաստիարակչական աշխատանքը դպրոցում, Երևան, 1945, 132 էջ։
- Լ. Սավելև, Հետքեր քարի վրա, Երևան, 1949, 386 էջ։
- Ջորդանո Բրունո, Անվերջականություն, տիեզերքի և աշխարհների մասին, Երևան, 1950, 290 էջ։
- Ա.Ս. Բարկով, Ֆիզիկական աշխարհագրություն, Երևան, 1951, 200 էջ։
- Վ.Ֆ. Շուլաև, Ն. Ա. Ռիկով, Կենդանաբանություն, Երևան, 1951, 439 էջ։
Տե՛ս նաև
- Ով ով է.հայեր (կենսագրական հանրագիտարան: Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
- ԵՊՀ Գրադարանի քարտարան: