Անանյան Ժիրայր Հրայրի

Անանյան Ժիրայր Հրայրի
Ананян Жирайр Грайрович
Պատկերիկի ստեղծման սխալ. Նման նիշք չկա
Այլ անուններ:	Տեր-Անանյան Ժիրայր
Անգլերեն:	Ananyan Jirayr
Հայերեն:	Անանյան Ժիրայր Հրայրի
Ծննդյան տարեթիվը:	14.07.1934
Ծննդավայրը:	Բերդ, Հայաստանի Հանրապետություն
Մահվան տարեթիվը:	24.04.2004
Մահվան վայրը:	Երևան, Հայաստանի Հանրապետություն
Համառոտ տվյալներ: Դրամատուրգ:

Կենսագրություն

Ծնվել է 1934թ. հուլիսի 14-ին Հայաստանի Խորհրդային Հանրապետության Տավուշի մարզի Բերդ քաղաքում:

Մահացել է 2004թ. ապրիլի 24-ին Հայաստանի Հանրապետության մայրաքաղաք Երևանում:

Կրթություն

• 1952թ. ավարտել է Երևանի Մ. Նալբանդյանի անվան միջնակարգ դպրոցը:
• 1958թ. ավարտել է Հայաստանի պետականա մանկավարժական ինստիտուտի պատմա-բանասիրական ֆակուլտետը:

Աշխատանքային գործունեություն

• 1959-1980թթ. աշխատել է Հեռուստառադիոպետկոմում, սկզբում որպես խմբագիր, ապա՝ ավագ խմբագիր, ապա՝ գրականության և արվեստի բաժնի վարիչ:

Բեմադրված պիեսներ

• «Տաքսի, տաքսի», 1973՝ ԵԵԿԹ, 1978:
• «Անծանոթ ամուսիններ», 1979:
• «Իմ տունը քո տունը չէ», Սունդուկյանի անվան թատրոն, 1982:
• «Իրարանցում», Սունդուկյանի անվան թատորն, 1983:
• «Կարուսել», Սունդուկյանի անվան թատորն, 1988:
• «Սրբապատկեր», 1991:
• «Թռչող ափսեից իջաց մարդը», 1992:
• «Ընդունելություն՝ երկուսից մինչև վեցը», 1994:
• «Զգույշ, նա է», 1998:
• «Տեր, մի թող մեզ անտեր», 2000:
• «Կեսգիշերին», 2002:
• «Բրավո», 2003:
• «Մեր տան տերերը կամ ես չեմ ուզում դառնալ միլիոնատեր», 2003:

Ձեռքբերումներ

• 1980թ.՝ ԽՍՀՄ գրողների միության անդամ:
• 2002թ.՝ «Վահագն» համահայկական մրցանակ («Լույս քսանյոթի գիշերը» պիեսների ժողովածուի համար):

Այլ

• Առաջին պիեսը՝ «Դիպլոմի համար», բեմադրվել է 1956թ. Հայկական մակվարժական ինստիտուտի ուսանողական բեմում:
• Ժիրայր Անանյանի պիեսները բեմադրվել են նաև Թբիլիսիում, Թեհրանում, Հալեպում, Բեյրութում, Նյու Յորքում և այլուր, ինչպես նաև գրեթե բոլոր հայկական թատրոններում:
• Անանյանի ամենահայտնի պիեսներից մեկն է «Տաքսի, տաքսին», որը հայտնի է Կարպ Խաչվանքյանի և Սուսաննա Գրիգորյանի խաղով: 1993թ. Երևանի Հ. Պարոնյանի անվան երաժշտական կոմեդիայի պետական թատրոնի բեմում խաղացվեց «Տաքսի, տաքսի» կատակեգրության 500-րդ ներկայացումը, իսկ 1997թ.՝ 600-րդը:

Մատենագիտություն

• Անանյան Ժ.Հ., Պիեսների ժողովածու (գրքում տեղ է գտել նաև Ժ. Անանյանի «Հայրիկ, ու՞ր...» պիեսը), Երևան, 1971:
• Անանյան Ժ.Հ., Գևորգ Հարությունյան (դրամատուրգի ստեղծագործությունը), Երևան, Հայկական թատերական ընկերություն, 1981:
• Անանյան Ժ.Հ., Սվետլանա Գրիգորյան (բեմական գործունեությունը), Երևան, Հայկական թատերական ընկերություն, 1985:
• Անանյան Ժ.Հ., Տաքսի, տաքսի (պիեսներ), Երևան, 1987:
• Անանյան Ժ.Հ., Թռչող ափսեից իջած մարդը (պիեսների ժողովածու), Ե., «Անահիտ», 1992:
• Անանյան Ժ.Հ., Լույս քսանյոթի գիշերը (պիեսների ժողովածու), 2002:
• Անանյան Ժ.Հ., Լույս քեզ տեսնողին (պիեսների ժողովածու), Երևան, 2003:
• Անանյան Ժ.Հ., Ընդունելությունը՝ երկուսից մինչև վեցը (պիեսների ժողովածու), Երևան, 2003:

Տե՛ս նաև

• Ով ով է. հայեր (կենսագրական հանրագիտարան:Երկու հատորով), ՀՀ խմբ. հանձնաժողով՝ Հ. Մ. Այվազյան (գլխ. խմբագիր) և ուրիշներ, Երևան, Հայկական հանրագիտարան հրատ., Հ.1, Աբալյան-Ղուշչյան, 2005:
• Ուղևորություն տաքսի տաքսիով. Ժիրայր Անանյանի հետ (կազմ. Լ. Մանուչարյան), Երևան, 2002:
• Գրական տեղեկատու, Երևան, «Սովետական գրող», 1986:
• Ժիրայր Անանյան, ԵՊՀ Հայագիտական հետազոտությունների ինստիտուտի կայք:
• Ժիրայր Անանյան, AV Production:
• Ժիրայր Անանյան, Dasaran.am:
• Ժիրայր Անանյան, Humor.am:
• Ժիրայր Անանյան, Գրական թերթ: